அமீரகத்திலிருந்து இந்தியாவுக்கான விமான டிக்கெட் 5 மடங்கு உயர்வு!

அபுதாபி: ஐக்கிய அரபு எமிரேட்ஸில் இருந்து இந்தியாவுக்கான விமான டிக்கெட் விலை ஐந்து மடங்குக்கு மேல் அதிகரித்துள்ளது. அக்டோபரில் சராசரியாக ரூ.6,000 ஆக இருந்த விமான டிக்கெட்டின் விலை தற்போது ரூ.28,000-க்கும் அதிகமாக உள்ளது. அனைத்து விமான நிறுவனங்களும் கட்டண உயர்வை அமல்படுத்தியுள்ளன. 
கிறிஸ்துமஸுக்கு சிறப்பு உள்நாட்டுக் கட்டணத்தை (ஒரு வழிக்கு 730 Dhs இல் தொடங்கும்) அறிவித்துள்ள ஏர் இந்தியா, அதைவிட இரண்டு மடங்கு அதிகமாக கட்டணம் வசூலிக்கிறது.

ஐக்கிய அரபு எமிரேட்ஸில் 3 வார குளிர்கால விடுமுறை தொடங்கியுள்ளதாலும், கிறிஸ்துமஸ் மற்றும் புத்தாண்டு கொண்டாட்டங்களுக்காக சொந்த ஊருக்கு செல்வோர் எண்ணிக்கை காரணமாகவும் தற்போதைய அதிகரிப்பு ஏற்பட்டுள்ளது. கடந்த வெள்ளிக்கிழமை மூடப்பட்ட பள்ளிகள் ஜனவரி 2ஆம் தேதி திறக்கப்படும். எனவே, உயர்த்தப்பட்ட கட்டண விகிதம் ஜனவரி நடுப்பகுதி வரை தொடரும். 

ஐக்கிய அரபு எமிரேட்ஸில் இருந்து கேரளாவுக்கு நேரடி விமானங்களில் இருக்கைகள் கிடைத்தாலும், ஜனவரியில் ஐக்கிய அரபு எமிரேட்ஸுக்கு நேரடியாகச் செல்லும் பெரும்பாலான விமானங்களில் இருக்கைகள் இல்லை. துபாயில் இருந்து கொச்சிக்கு ஒருவழியாக செல்ல குறைந்த கட்டணமாக ரூ.29,800 ஆகவும், திரும்ப ரூ.65,700 ஆகவும் உள்ளது. 

இண்டிகோவில் ரூ.32,300, ரூ.66,100, ஸ்பைஸ் ஜெட் ரூ.32,500, ரூ.65,800, ஏர் இந்தியா ரூ.36,200, ரூ.73,800, ஏர் இந்தியா எக்ஸ்பிரஸ் ரூ.33,400, ரூ.65,100.  ஏர் அரேபியாவில் முறையே 28,300 மற்றும் 65,500 ரூபாய்.

நான்கு பேர் கொண்ட ஒரு குடும்பம் இன்று கொச்சிக்கு சென்று 2023 ஜனவரி 1 ஆம் தேதி திரும்ப விரும்பினால், ஏர் இந்தியா எக்ஸ்பிரஸ் கட்டணமாக ரூ.2,57,600 செலுத்த வேண்டும். ஏர் இந்தியாவில் 2,63,500, ஸ்பைஸ்ஜெட்டில் 2,52,200, இண்டிகோவில் 2,74,100, ஏர் அரேபியாவில் 2,44,500. அபுதாபியில் இருந்து பயணம் என்றால் டிக்கெட்டில் குறைந்தது 3000 ரூபாய் கூடுதலாக செலுத்த வேண்டும்.