மாலத்தீவுடனான ஒத்துழைப்பு பல்வேறு துறைகளில் விரிவுபடுத்தப்படும்! - பஹ்ரைன் பிரதமர்

மனாமா: மாலத்தீவுடனான ஒத்துழைப்பு பல்வேறு துறைகளில் விரிவுபடுத்தப்படும் என்று பட்டத்து இளவரசரும் பிரதமருமான இளவரசர் சல்மான் பின் ஹமத் அல் கலீஃபா தெரிவித்தார். பஹ்ரைனுக்கு விஜயம் மேற்கொண்டிருந்த மாலத்தீவு ஜனாதிபதி இப்ராஹிம் முஹம்மத் சலேவை வரவேற்றுப் பேசும் போதே அவர் இவ்வாறு தெரிவித்தார். 

மாலத்தீவு வெளியுறவு அமைச்சர் டாக்டர். அப்துல்லா ஷாஹித் மற்றும் பஹ்ரைன் வெளியுறவு அமைச்சர் டாக்டர். அப்துல்லதீப் பின் ரஷித் அல் சயானி குதைபியா அரண்மனையில் பல புரிந்துணர்வு ஒப்பந்தங்களில் கையெழுத்திட்டார். இருதரப்பு உறவுகள் மற்றும் பொதுவான நலன்கள் தொடர்பான விவகாரங்களில் இரு நாடுகளுக்கும் இடையே நட்புறவு, ஒத்துழைப்பு மற்றும் ஒருங்கிணைப்பை வலுப்படுத்த அரசியல் ஆலோசனைகள் குறித்த புரிந்துணர்வு ஒப்பந்தத்தில் இரு வெளியுறவு அமைச்சர்களும் கையெழுத்திட்டனர்.

பஹ்ரைனில் உள்ள இராஜதந்திர ஆய்வுகளுக்கான முகமது பின் முபாரக் அல் கலீஃபா அகாடமிக்கும் மாலத்தீவில் உள்ள வெளியுறவு அமைச்சகத்தின் நிறுவனத்திற்கும் இடையே இராஜதந்திர பயிற்சி மற்றும் தகவல் பரிமாற்றம் குறித்த புரிந்துணர்வு ஒப்பந்தமும் கையெழுத்தானது. வெளியுறவு அமைச்சர் டாக்டர். அப்துல்லதீப் பின் ரஷித் அல் சயானி மாலத்தீவு வெளியுறவு அமைச்சரிடம் அளித்தார். இரு நாடுகளுக்கும் இடையிலான ஒத்துழைப்பை அதிகரிக்க இந்த ஒப்பந்தங்கள் உதவும் என்று டாக்டர். அப்துல்லதீப் பின் ரஷித் அல் சயானி தெரிவித்தார். மாலத்தீவு அதிபர் இப்ராஹிம் முஹம்மது சலே மன்னர் ஹமத் பின் இசா அல் கலீஃபாவையும் சந்தித்துப் பேசினார்.