உலகக் கோப்பை கால்பந்து: தோஹா கார்னிச்சில் ரசிகர்களின் ஆரவார கொண்டாட்டம்!

தோஹா: வேடிக்கை நிறைந்த காட்சிக்கு ரசிகர்கள் கால்பந்து போதையுடன் வரத் தொடங்கியதால், தோஹா கார்னிச் கொண்டாட்டங்களால் நிரம்பியது. கத்தாரின் முக்கிய பகுதியான தோஹா கார்னிச்சில் உள்ள ஃப்ளாக் பிளாசா மற்றும் உலகக் கோப்பை கவுண்ட்டவுன் கடிகாரத்திற்கு அருகில் கால்பந்து ரசிகர்கள் ஒன்றிணைந்து கொண்டாட்டங்களில் ஈடுபட்டனர்.

கால்பந்து, தங்களுக்குப் பிடித்த வீரர்கள் மற்றும் கத்தாரின் படங்களுடன் தங்களுக்குப் பிடித்த அணிகளின் தொப்பிகள், டி-சர்ட்கள் மற்றும் ஜெர்சிகளை அணிந்துகொண்டு, சொந்த உடையில் தேசியக் கொடியுடன் தனியாகவும் குழுக்களாகவும் மக்கள் கொண்டாட்டங்களில் ஈடுபட்டதை காண முடிந்தது.

ஃப்ளாக் பிளாசாவின் வண்ணமயமான இயற்கைக்காட்சியின் மையத்தில் இருந்து மக்கள் புகைப்படங்கள் மற்றும் வீடியோக்களை எடுத்து மகிழ்ந்தனர்.

தோஹா கார்னிச்சில் தனியார் வாகனங்கள், பைக்குகள் மற்றும் இ-ஸ்கூட்டர்கள் இயங்குவதற்கு முற்றிலும் தடை விதிக்கப்பட்டுள்ளது. 

19ம் தேதி தோஹா கார்னிச்சில் கார்னிவல் அரங்குகளும், அல்பிடா பூங்காவில் உள்ள ஃபிஃபா ரசிகர் விழா அரங்குகளும் ரசிகர்களுக்காக திறக்கப்படும். அதுவரை, Souq Waqif, Qatar National Museum, Museum of Islamic Art, Doha Port, Box Park, Hotel Park போன்ற பல இடங்களை ரசிகர்கள் பார்த்து தெரிந்துகொள்ளலாம்.

இம்மாதம் 16ஆம் தேதி ஃபிஃபா ரசிகர் விழா நடைபெறும் அல் பிடா பூங்காவில் ரசிகர்களுக்காக மாலை நேர பொழுதுபோக்கு நிகழ்ச்சிகளுக்கான ஒத்திகை நிகழ்ச்சியும் நடைபெறவுள்ளது.