BBC-யின் ஓட்டெடுப்பில் இந்த நூற்றாண்டின் சிறந்த FIFA உலகக் கோப்பையாக கத்தார் தேர்வு!
melcorahim 
தோஹா: பிபிசி விளையாட்டு பார்வையாளர்களால் நடத்தப்பட்ட ஒரு கணக்கெடுப்பில் கத்தார் உலகக் கோப்பை இந்த நூற்றாண்டின் சிறந்த FIFA உலகக் கோப்பையாகத் தேர்ந்தெடுக்கப்பட்டது.
கணக்கெடுப்பில் பங்கேற்ற 78 சதவீத மக்கள் கத்தாருக்கு வாக்களித்துள்ளனர். 2002 உலகக் கோப்பை 6 சதவீதத்துடன் இரண்டாவது இடத்தையும், 2014 உலகக் கோப்பை 5 சதவீதத்துடன் மூன்றாவது இடத்தையும் பிடித்தது. 2006, 2010 மற்றும் 2018 ஆகிய ஆண்டுகளில் நடைபெற்ற உலகக் கோப்பைகள் முறையே 4, 5 மற்றும் 6வது இடங்களில் உள்ளன.
உலகக் கோப்பையின் தொடக்க மற்றும் நிறைவு விழாக்களைப் புறக்கணித்த பிபிசி நடத்திய சர்வேயில் கத்தாரில் சிறந்த உலகக் கோப்பை நடைபெற்றதாக பார்வையாளர்கள் வாக்களித்தனர்.
8 மைதானங்களில் நடைபெற்ற 64 போட்டிகளை வெளிநாடுகளைச் சேர்ந்த 14 லட்சம் ரசிகர்கள் உள்பட 34 லட்சம் பேர் கண்டுகளித்தனர். கத்தார், அமைப்பின் சிறப்பிற்காகவும், ரசிகர்களுக்கு வழங்கப்படும் பயண மற்றும் தங்குமிட வசதிகளுக்காகவும் விமர்சகர்கள் உட்பட உலக நாடுகளின் கைதட்டலைப் பெற்று ஹோஸ்டிங் பணியை நிறைவு செய்தது.
இதுவரை நடத்திய நாடுகளைப் போலல்லாமல், FIFA உலகக் கோப்பையை முழுக்க முழுக்க சொந்த செலவில் நடத்திய நாடு கத்தார், இது உலக நாடுகளின் பாராட்டையும் ஏற்படுத்தியுள்ளது.
உலகக் கோப்பைக்கான ஹோஸ்டிங் கிடைத்ததில் இருந்தே கத்தார் கடும் விமர்சனங்களையும், குற்றச்சாட்டுகளையும் சந்தித்து வந்தது. உலகக் கோப்பையை கத்தார் நடத்துவது குறித்து கேள்வி எழுப்பி உலகக் கோப்பையை புறக்கணிக்க வேண்டும் என்ற கோரிக்கையும் எழுந்தது. மேற்கத்திய ஊடகங்களின் கத்தாருக்கு எதிரான செய்தி பிரச்சாரங்களும் பெரிய விவாதமாக இருந்தன. விமர்சனங்களுக்கு பதிலடியாக, கத்தார் ரசிகர்களுக்கு சிறந்த உலகக் கோப்பை போட்டிகளை வழங்கியது.
