உள்நாட்டு ஹஜ் யாத்திரை: இரண்டாவது தவணையை ஞாயிற்றுக்கிழமைக்கு முன் செலுத்த வேண்டும்

ஜித்தா: சவுதி அரேபிய உள்நாட்டு ஹஜ் யாத்ரீகர்கள் இரண்டாவது தவணையை ஞாயிற்றுக்கிழமைக்குள் செலுத்த வேண்டும் என்று ஹஜ் மற்றும் உம்ரா அமைச்சகம் அறிவித்துள்ளது. தேர்ந்தெடுக்கப்பட்ட தொகுப்பில் 40 சதவீதம் இரண்டாவது தவணையாக செலுத்த வேண்டும். ஹஜ் பயணத்தை தவணை முறையில் செலுத்துவதற்கு அமைச்சகம் வசதி செய்வது இதுவே முதல் முறை.

இந்த ஆண்டுக்கான ஹஜ்ஜை நிறைவேற்ற முதல் தவணை செலுத்திய உள்நாட்டு யாத்ரீகர்கள், ஜனவரி 29, ஞாயிற்றுக்கிழமைக்குள் இரண்டாவது தவணை செலுத்த வேண்டும். இரண்டாவது தவணையாக 40 சதவீதம் செலுத்த வேண்டும். மூன்று தவணைகளையும் உரிய தேதிக்குள் செலுத்தினால் மட்டுமே ஹஜ் அனுமதி வழங்கப்படும். மற்ற விண்ணப்பங்கள் நிராகரிக்கப்படும். ஒவ்வொரு கட்டணத்திற்கும் தனித்தனி விலைப்பட்டியல் வழங்கப்படும்.

ஆன்லைன் லிங்க் மூலம் முன்பதிவு செய்து சீட் கிடைத்துவிட்டதாக செய்தி வந்தவர்கள், மொத்தத் தொகையில் முதல் தவணையாக 20 சதவீதத்தை 72 மணி நேரத்திற்குள் செலுத்த வேண்டும், இரண்டாவது தவணையாக 40 சதவீதத்தை ஜனவரி 29ம் தேதிக்குள் செலுத்த வேண்டும், மூன்றாவது தவணையாக 40 செலுத்த வேண்டும்.  மொத்த தொகையை செலுத்துபவர்கள் முன்பதிவு செய்து இருக்கை உறுதிப்படுத்தல் செய்தியைப் பெற்ற 72 மணி நேரத்திற்குள் முழு கட்டணத்தையும் செலுத்த வேண்டும். குறிப்பிட்ட தேதிகளில் கட்டணம் செலுத்தினால் மட்டுமே, முன்பதிவு உறுதி செய்யப்பட்டதாக உறுதி செய்ய முடியும் என்றும் ஹஜ் மற்றும் உம்ரா அமைச்சகம் தெரிவித்துள்ளது.