கால்பந்து ரசிகர்களுக்காக தோஹாவில் நங்கூரமிட்ட ஆடம்பர ‘போசியா’ கப்பல் ஹோட்டல்!

தோஹா: ஃபிஃபா உலகக் கோப்பைக்கு வருபவர்களுக்கு ஆடம்பரமான தங்கும் அனுபவத்தை வழங்கும் முயற்சியின் ஒரு பகுதியாக, இரண்டாவது பயணக் கப்பல் ஹோட்டலான எம்.எஸ்.சி 'போசியா'வும் தோஹாவுக்கு வந்துள்ளது. உலகக் கோப்பை ரசிகர்களுக்கு ஆடம்பரமான விருந்தோம்பல் அனுபவத்தை வழங்கும் நோக்கில் MSC இன் POICEA தோஹா துறைமுகத்தில் நங்கூரமிட்டுள்ளது.

முதல் கப்பலான MSC World Europa ஏற்கனவே தோஹாவை வந்தடைந்த நிலையில்,  MSC Poesiaவும் வந்தடைந்துள்ளது. இது ஒரு அதிநவீன நான்கு நட்சத்திர மிதக்கும் ஹோட்டலாகும். இந்த பயணக் கப்பல்கள் கத்தாருக்கு வருபவர்களுக்கு ஆடம்பரமான சேவைகளை வழங்குகின்றன. இந்த பயணக் கப்பலில் பொழுதுபோக்கு நிகழ்ச்சிகள் மற்றும் அனைத்து வயதினரும் அனுபவிக்கக்கூடிய பல்வேறு உணவகங்கள் உள்ளன. 

MSC Poesia இல் 1,265 கேபின்கள், 3 நீச்சல் குளங்கள், ஸ்பா மற்றும் ஆரோக்கிய மையம், சினிமா, குளக்கரை, டென்னிஸ் மற்றும் கூடைப்பந்து மைதானங்கள், 15 கஃபேக்கள் மற்றும் நிகழ்வு அரங்குகள் உள்ளன.

உலகக் கோப்பைக்காக கத்தாருக்கு வரும் பார்வையாளர்கள் மற்றும் ரசிகர்களுக்கு கத்தார் வழங்கும் பல்வேறு தங்குமிட விருப்பங்களில் குரூஸ் ஷிப் ஹோட்டல்களும் அடங்கும். 

கத்தார் சுற்றுலாத் தலைவரும், கத்தார் ஏர்வேஸ் குழுமத்தின் தலைமை நிர்வாகியுமான அக்பர் அல் பேக்கர் கூறுகையில், “மிதக்கும் ஹோட்டல்களில் தங்குமிடம் மற்றும் பொழுதுபோக்கு வசதிகள் அதன் வரலாற்றில் சிறந்த உலகக் கோப்பையை நடத்துவதற்கான நாட்டின் தீவிர முயற்சிகளை பிரதிபலிக்கின்றன. MSC இன் 3 சொகுசு கப்பல்கள் உலகக் கோப்பை ரசிகர்களுக்கு தங்குமிட வசதிகளை வழங்குகின்றன. மூன்று கப்பல்களிலும் 10,000 பேர் தங்கும் வசதி உள்ளது.” என குறிப்பிட்டார்.