பணியின் போது விபத்தில் கையை இழந்த தொழிலாளிக்கு இழப்பீடு வழங்க யுஏஇ நீதிமன்றம் உத்தரவு!
melcorahim 
அபுதாபி: பணியிடத்தில் விபத்து ஏற்பட்டு கையை துண்டிக்கப்பட்ட தொழிலாளிக்கு 1 லட்சம் திர்ஹாம் (இந்திய ரூபாய் 22 லட்சம்) இழப்பீடு வழங்க நீதிமன்றம் தீர்ப்பளித்துள்ளது.
அபுதாபியில் உள்ள ஒரு உணவகத்தில் பணியாளராகப் பணிபுரிந்த ஒருவர் விபத்துக்குப் பிறகு இழப்பீடு கோரி சிவில் நீதிமன்றத்தை அணுகினார். உணவகத்தில் உள்ள இயந்திரத்தில் சிக்கி புகார்தாரர் தனது வலது கையை இழந்தார்.
சிவில் நீதிமன்றத்தில் தாக்கல் செய்த மனுவில், விபத்தில் கையை இழந்ததற்கும், தான் அனுபவித்த வலிக்கும் இழப்பீடாக இரண்டு லட்சம் திர்ஹாம் இழப்பீடு வழங்க வேண்டும் என்று கோரியுள்ளார்.
பணியிடத்தில் தேவையான பாதுகாப்பு முன்னெச்சரிக்கை நடவடிக்கைகளை முதலாளி எடுக்கவில்லை என்றும், இதனால் அவரது கை இயந்திரத்தில் சிக்கி கை துண்டிக்கப் பட்டதாகவும் கூறப்படுகிறது. வழக்கை விசாரித்த நீதிமன்றம், புகார்தாரரின் கையை இழந்ததற்கு இழப்பீடாக ஒரு லட்சம் திர்ஹமும், நீதிமன்றச் செலவாக பத்தாயிரம் திர்ஹமும் முதலாளி வழங்க வேண்டும் என்று தீர்ப்பளித்தது.
