சவூதியின் முதல் சொகுசு தீவு திட்டம் ‘சிந்தாலா’ 2024 முதல் விருந்தினர்களை வரவேற்கும்!

சவுதி அரேபியாவின் கனவுத் திட்டமான நியோமில் உள்ள முதல் சொகுசு தீவான சிந்தாலாவின் வளர்ச்சியை சவுதி பட்டத்து இளவரசர் அறிவித்தார். இத்திட்டத்தின் மாஸ்டர் பிளானும் வெளியிடப்பட்டுள்ளது. சிந்தாலா திட்டம் தங்குமிடம், பொழுதுபோக்கு மற்றும் விளையாட்டு இன்பத்திற்காக அமைக்கப்படுகிறது.

நியோமின் முதல் சொகுசு தீவான சிந்தாலாவுக்கான மேம்பாட்டுத் திட்டத்தை நியோம் நிறுவனத்தின் தலைவரான பட்டத்து இளவரசர் முகமது பின் சல்மான் அறிவித்தார். 

An exclusive gateway to the stunning Red Sea is coming soon.
The first of NEOM’s regions to come to life, @NEOMSindalah is a luxury island destination for the world’s yachting community.#Sindalah #NEOM pic.twitter.com/IUAPzVjrdJ

— NEOM (@NEOM) December 5, 2022

சவுதியின் தேசிய சுற்றுலாத் திட்டத்தில் இது மிக முக்கியமானது. சிந்தாலா 2024 ஆம் ஆண்டின் தொடக்கத்தில் இருந்து விருந்தினர்களைப் பெறத் தொடங்கும் என்று எதிர்பார்க்கப்படுகிறது. இத்திட்டத்தின் மூலம் சுற்றுலாத் துறை மற்றும் விருந்தோம்பல் மற்றும் ஓய்வு சேவைகளில் 3,500 வேலைவாய்ப்புகள் உருவாக்கப்படும்.

நியோமில் உள்ள சிந்தாலா தீவு குழுமம் சுமார் 8,40,000 சதுர மீட்டர் பரப்பளவைக் கொண்டுள்ளது. அதன் ஒவ்வொரு தீவுகளும் வெவ்வேறு வடிவமைப்பு மற்றும் தன்மையைக் கொண்டுள்ளன.

நியோமின் முதல் சொகுசு தீவு மற்றும் செங்கடலில் அமைந்துள்ள சிந்தாலா, செங்கடலுக்கான நுழைவாயில் ஆகியவை பயணிகளுக்கு நியோம் மற்றும் சவுதி அரேபியாவின் உண்மையான அழகை அனுபவிக்க உதவும். 

சிந்தாலாவில் சொகுசு படகுகளுக்கு ஏற்ற 86 பெர்த் மெரினா, 413 அல்ட்ரா-பிரீமியம் ஹோட்டல் அறைகள் மற்றும் 333 டாப்-எண்ட் சர்வீஸ்டு அபார்ட்மெண்ட்கள் இருக்கும். இது ஒரு ஆடம்பரமான கடற்கரை கிளப், ஒரு கவர்ச்சியான படகு கிளப் மற்றும் பல உணவகங்களையும் கொண்டுள்ளது.