ஷார்ஜா சர்வதேச புத்தகக் கண்காட்சியில் 12 வயது இந்திய சிறுவனின் நாவல் வெளியீடு!

ஷார்ஜா: ஷார்ஜா சர்வதேச புத்தகக் கண்காட்சியில் தங்கள் புத்தகங்களை வெளியிட்ட இளம் எழுத்தாளர்கள் மத்தியில், 12 வயது சிறுவன் ஒரு வீட்டுப் பள்ளிக் குழந்தையாக முதல் நாவல் தொடரை வெளியிட்டுள்ளான்.

இந்தியாவை சேர்ந்த தசீன் ஸ்வாப்ரியின் ‘GOD of Dragons - The Beginning’ ஏழு தொடர் கற்பனை நாவல்களில் முதலாவதாகும்.  49,000 சொற்களைக் கொண்ட 300-பக்கத்துடன் முதல் நாவலை இளம் எழுத்தாளர் அறிமுகமாக்கியுள்ள நிலையில், அதன் இரண்டாம் பகுதியையும் அவர் ஏற்கனவே எழுதி வருகிறார்.

தசீன் தனது எழுத்து நடைக்காக பாராட்டுகளைப் பெற்றுள்ளார், அதில் அவர் டிராகன்களையும் டைனோசர்களையும் நாவலின் கதாபாத்திரங்களாகப் பயன்படுத்தி தனது வாழ்க்கையைப் பற்றிய கருத்துக்களைப் பிரதிபலிக்கிறார்.

பெயரும் கதைக்களமும் குழந்தைகளுக்கான வகையைச் சேர்ந்ததாகத் தோன்றினாலும், கல்வி, அரசியல், குடும்பம், சமத்துவம் போன்ற பல்வேறு கூறுகளை உள்ளடக்கிய ஆசிரியரின் வயதுக் காரணியை வாசகர் மறக்கச் செய்யும் ஒரு வரலாற்று நாடகத்தைப் போலவே சித்தரிப்பு உள்ளது.  உணர்ச்சிகள், நட்பு, போர் மற்றும் அமைதியான சகவாழ்வு நிறைந்ததாக நாவல் உள்ளடக்கம் அமைந்துள்ளது.

நாவலை முடிக்க எட்டு மாதங்கள் மட்டுமே எடுத்ததாக தசீன் கூறினார். தசீனின் நாவல் ‘பஞ்சுவானா’ என்ற கற்பனை நிலத்தில் அமைக்கப்பட்டுள்ளது. டிராகன் உடன்பிறப்புகளான மார்க் மற்றும் பேர்ல் மற்றும் அவர்களின் தாய் ஹெலன் ஆகியோர் வெவ்வேறு குல நாகங்களின் பிரதேசங்களுக்குள் நுழைந்து ஆபத்தில் சிக்குவதைச் சுற்றி வருகிறது நாவல்.

அல் ரேவாயாவால் வெளியிடப்பட்ட இந்த புத்தகம் அனைத்து முக்கிய புத்தகக் கடைகளிலும் ஆன்லைன் தளங்களிலும் கிடைக்கும். மேலும் சில சர்வதேச புத்தகக் கண்காட்சிகளில் பங்கேற்க தாசீனுக்கு ஏற்கனவே அழைப்புகள் வந்துள்ளன.

இந்த புத்தகம் மார்ச் 2023க்குள் அரபு மற்றும் சீன மொழிகளில் மொழிபெயர்க்கப்படும் என்று விளம்பர நிறுவனத்தை நடத்தி வரும் அவரது தந்தை ஸ்வப்ரி அப்துல் காதர் காசிம் தெரிவித்தார்.