துபாயில் நவ.25ல் இசை உலகின் மேஸ்ட்ரோவின் இன்னிசை நிகழ்ச்சி!
melcorahim 
இசை உலகின் மேஸ்ட்ரோ என்றழைக்கப்படும் இசைஞானி இளையராஜாவின் இன்னிசை நிகழ்ச்சி எதிர்வரும் நவ.25 அன்று துபாயில் நடைபெறவிருக்கிறது.
'Black Sheep' உடன் இணைந்து இளையராஜா நடத்தவுள்ள 'இசை ராஜாங்கம். இளையராஜா லைவ் இன் கச்சேரி (Isai rajangam, ilaiyaraja live in concert)' என்கிற அந்த இசை நிகழ்ச்சியில் பிரபல பின்னணி பாடகர்களான மனோ, ஸ்வேதா மோகன், கார்த்திக், SPB சரண். விபாவரி ஆப்தே ஜோஷி, ப்ரியா ஹிமேஷ் மற்றும் அனிதா கார்த்திகேயன் போன்றோர் கலந்து கொள்ளவுள்ளனர்.
மேலும், இவர்களுடன் 65 இசைக்கலைஞர்கள் சேர்ந்து தமிழ், மலையாளம், தெலுங்கு, கன்னட மொழிகளில் மக்களின் மனம் கவர்ந்த பாடல்கள் நிகழ்ச்சியில் இடம்பெறும் என கூறப்பட்டுள்ளது.
கடந்த மார்ச் மாதம் எக்ஸ்போ துபாயில் மேஸ்ட்ரோ இசை நிகழ்ச்சி நடைபெற்ற நிலையில், தற்போது மீண்டும் நவம்பர் 25 ம் தேதி நடைபெறவிருப்பது குறிப்பிடத்தக்கது.
துபாயில் உள்ள கோகோ கோலா அரங்கில் (Coco Cola Arena) இந்த நிகழ்ச்சி நடைபெறும் என்றும் கச்சேரிக்கான டிக்கெட்டுகள் Book My Show-ல் நவம்பர் 6வரை தள்ளுபடியுடன் கிடைக்கும் என்றும் தெரிவிக்கப்பட்டுள்ளது. கூடுதல் விவரங்களுக்கு, www.coca-cola-arena.com என்ற இணையதளத்தை அணுகலாம் என்றும் குறிப்பிடப்பட்டுள்ளது.
