ஹயா கார்டு வைத்திருப்பவர்கள் கத்தாருக்கு செல்லாமலேயே நேரடியாக உம்ரா செய்ய அனுமதி!
melcorahim 
ரியாத்: உலகக் கோப்பை போட்டிகளைக் காண கத்தாரின் 'ஹயா கார்டு' வைத்திருப்பவர்கள் உம்ரா யாத்திரை மற்றும் மதீனா ஜியாரத்துக்கு சவுதி அரேபியா செல்ல அனுமதிக்கப்படுகிறார்கள். ஹயா கார்டு வைத்திருப்பவர்களுக்கு சவுதி அரேபியா இலவச விசா வழங்குகிறது. ஆனால், அவர்கள் சவுதி அரேபியாவுக்கு வருவதற்கு முன் மருத்துவக் காப்பீடு எடுக்க வேண்டியது கட்டாயம். சவூதி அரேபியாவின் விசா தளம் மூலம் மருத்துவக் காப்பீட்டுக் கொள்கையைப் பெறலாம்.
சவுதி அரேபியா ஹயா அட்டை வைத்திருப்பவர்களுக்கு மல்டி எண்ட்ரி விசாக்களை அனுமதிக்கிறது. இந்த விசாவில் எத்தனை முறை வேண்டுமானாலும் சவுதி அரேபியாவிற்குள் நுழைந்து வெளியேறலாம். விசா வைத்திருப்பவர்கள் ஹயா கார்டைப் பயன்படுத்தி முதலில் கத்தாருக்குள் நுழைய வேண்டிய அவசியம் இல்லை. அவர்கள் நேரடியாக சவூதி அரேபியாவை அடையலாம். உலகக் கோப்பை போட்டிகளின் போது ஹயா அட்டை வைத்திருப்பவர்கள் சவுதி அரேபியாவிற்கு சென்று குறைந்த கட்டணத்தில் சவுதி அரேபியாவில் தங்குவதற்கான வாய்ப்பை சவுதி அரேபியா தயார் செய்துள்ளது.
