ஐக்கிய அரபு எமிரேட்ஸில் புதிய விசாக்களுக்கும் மருத்துவ காப்பீடு கட்டாயமாகும்!
melcorahim 
துபாய்: ஐக்கிய அரபு எமிரேட்ஸில் புதிய விசாக்களுக்கு மருத்துவக் காப்பீடு கட்டாயமாக்கப்பட்டுள்ளது. இனிமேல் விசாவிற்கு விண்ணப்பிக்கும் போது காப்பீட்டு விவரங்களும் வழங்கப்பட வேண்டும்.
இந்த மாத தொடக்கத்தில் ஐக்கிய அரபு அமீரகத்தில் அமலுக்கு வந்த புதிய விசா விதிகளின்படி புதிய விசாக்களுக்கு மருத்துவக் காப்பீடு கட்டாயமாக்கப்பட்டுள்ளது. நாட்டில் அங்கீகரிக்கப்பட்ட நிறுவனங்களின் காப்பீட்டு ஆவணங்கள் விசா விண்ணப்பத்துடன் சமர்ப்பிக்கப்பட வேண்டும். பல நுழைவு சுற்றுலா விசாவிற்கும், சரக்கு வாகன ஓட்டுனர்களுக்கான நுழைவு விசாவிற்கும், சிகிச்சைக்கான விசாவிற்கும் சுகாதார காப்பீடு கட்டாயமாகும்.
ஆனால், வேலை தேடுபவர் விசாக்கள் மற்றும் வணிக விசாக்களுக்கு சுகாதார காப்பீடு விலக்கு அளிக்கப்பட்டுள்ளது. ஆனால், விசா விண்ணப்பத்துடன் காப்பீட்டுத் தொகையாக 120 திர்ஹம் செலுத்த வேண்டும். கோல்டன் விசா வைத்திருப்பவர்கள் மற்றும் அவர்களது குடும்ப உறுப்பினர்கள் கண்டிப்பாக காப்பீடு செய்யப்பட வேண்டும்.
காப்பீட்டு விவரங்கள் இல்லாத விசா விண்ணப்பங்கள் ஏற்றுக்கொள்ளப்படாது. விசா காலம் முடியும் வரை காப்பீடு இருக்க வேண்டும். நாட்டில் உள்ள காப்பீட்டு நிறுவனங்கள் புதிய விசாக்களுக்கு ஏற்ப பேக்கேஜ்களை வழங்குகின்றன.
