சவுதியில் சட்டவிரோத டாக்ஸி சேவைகளை நடத்திய வெளிநாட்டவர்கள் வெளியேற்றம்!
melcorahim 
ரியாத்: சவூதி அரேபியாவில் சட்டவிரோதமாக டாக்சி சேவையை நடத்திய நாற்பதுக்கும் மேற்பட்ட வெளிநாட்டவர்கள் கைது செய்யப்பட்டு நாடு கடத்தப்பட்டுள்ளதாகத் தெரிவிக்கப்பட்டுள்ளது. துரைஃபில் கைது செய்யப்பட்டவர்கள் சட்ட ரீதியான நடவடிக்கை முடிந்த பிறகு அந்தந்த நாடுகளுக்கு திருப்பி அனுப்பப்பட்டதாக செய்திகள் தெரிவிக்கின்றன. கடந்த ஒரு மாதத்தில், துரைஃப் மற்றும் அதைச் சுற்றியுள்ள பகுதிகளில் இருந்து பல வெளிநாட்டவர்களை அதிகாரிகள் கைது செய்துள்ளனர்.
வடமாகாணத்தில் வழக்கமான சோதனைச் சாவடிகள் மட்டுமின்றி, பல்வேறு இடங்களில் போலீஸார் எதிர்பாராத சோதனையில் ஈடுபட்டனர். இந்த சோதனையில் வெளிநாட்டினர் பலர் கைது செய்யப்பட்டனர். ஸ்பான்சர்கள் காவல்துறை அதிகாரிகளை தொடர்பு கொண்ட பின்னர் சிலர் விடுவிக்கப்பட்டனர். சட்டத்தை மீறியதாக கைது செய்யப்பட்ட பல்வேறு நாடுகளைச் சேர்ந்த 40க்கும் மேற்பட்டோர், சட்ட நடவடிக்கை முடிந்து நாடு கடத்தப்பட்டுள்ளதாகவும் அதிகாரிகள் தகவல் வெளியிட்டுள்ளனர். இகாமா விதிமீறல் உள்ளிட்ட பிற விதிமீறல்களில் ஈடுபட்டவர்களிடம் பல்வேறு பகுதிகளில் விசாரணை நடத்தப்படுகிறது.
