போதையால் ஏற்படும் விபத்துகளுக்கு இழப்பீடு இல்லை! - யு.ஏ.இ.
melcorahim 
துபாய்: போதைப்பொருள் உட்கொண்டு விபத்து ஏற்பட்டால் இழப்பீடு வழங்கப்பட மாட்டாது என ஐக்கிய அரபு அமீரகத்தின் மனிதவள மற்றும் உள்நாட்டு மயமாக்கல் அமைச்சகம் அறிவித்துள்ளது.
தொழில் விபத்துக்களில் காயம்பட்டவர்களுக்கு சிகிச்சை மற்றும் இழப்பீடு பெற உரிமை இருந்தாலும், சில சூழ்நிலைகளில் இந்த உரிமைகள் மறுக்கப்படுகின்றன.
ஐக்கிய அரபு எமிரேட்ஸில் உள்ள அனைத்து தொழிலாளர்களின் மருத்துவச் செலவையும் முதலாளியே ஏற்க வேண்டும் என்று சட்டம் கூறுகிறது. ஆனால் சுயமாக ஏற்படும் விபத்துகளுக்கு இது பொருந்தாது.
மது அருந்தியதால் விபத்து ஏற்பட்டதா இல்லையா என்பதை மருத்துவ பரிசோதனை மூலம் கண்டறிய முடியும். அதில் விபத்து தானே போதையால் ஏற்படுத்தப்பட்டதாக அங்கீகரிக்கப்பட்ட மையங்களால் சான்றளிக்கப்பட்டால் இழப்பீடு எதுவும் கோரப்பட முடியாது.
கடைகளில் பரிந்துரைக்கப்பட்ட பொது பாதுகாப்பு விதிகளை வேண்டுமென்றே மீறுவதால் ஏற்படும் விபத்துகளுக்கும் இழப்பீடு மறுக்கப்படும். விபத்துக்கான உண்மையான காரணத்தை வெளியிட மறுக்கும் தொழிலாளி இழப்பீடு பெறும் வாய்ப்பையும் இழக்க நேரிடும் எனவும் தெளிவுப்படுத்தப்பட்டுள்ளது.
